आर्थिक मामिला तथा योजना मन्त्रालय

ocmcm logo प्रदेश सरकार
आर्थिक मामिला तथा योजना मन्त्रालय
गण्डकी प्रदेश, पाेखरा नेपाल

कार्यक्षेत्र

सि.नं. कार्य जिम्मेवारीहरू
प्रदेशको आर्थिक अवस्थाको विश्लेषण तथा आर्थिक नीतिको तर्जुमा, कार्यान्वयन र नियमन
प्रदेशस्तरको आर्थिक  स्रोतको बाँडफाँड, लगानी प्रक्षेपण र वित्तीय व्यवस्थापन
प्रदेशस्तरको वित्त सन्तुलन सम्बन्धी नीति तर्जुमा, कार्यान्वयन र नियमन
संघको स्वीकृतिमा वैदेशिक सहयोग, वैदेशिक ऋण र अनुदान प्राप्ति, उपयोग, लेखाङ्कन र प्रतिवेदन
प्रदेशस्थित सरकारी सम्पत्तिको एकीकृत विवरण र सरकारी वाँकी रकमको लगत तथा असुल उपर
प्रदेशस्तरीय विकास नीति, प्राथमिकता, आवधिक तथा क्षेत्रगत योजना र वार्षिक विकास कार्यक्रमको तर्जुमा, कार्यान्वयन र अनुगमन तथा मूल्याङ्कन
राष्ट्रिय तथा अन्तर प्रदेश विकास आयोजनाको समन्वय र सशर्त अनुदानको सदुपयोग
प्रदेश राजश्व सम्बन्धी नीति तथा कानुनको तर्जुमा, कार्यान्वयन र नियमन
प्रदेश सार्वजनिक खर्च, मध्यकालीन खर्च संरचना र खर्च सम्बन्धी नीतिको तर्जुमा, कार्यान्वयन र नियमन तथा स्थानीय तह अनुदान
१० संघीय नीति अनुरुप सहवित्तीयकरण
११ प्रदेश आर्थिक कार्यविधि सम्वन्धी नीति तथा कानूनको निर्माण, कार्यान्वयन र नियमन
१२ प्रदेश विनियोजन ऐन तथा प्रदेशको बजेट तर्जुमा, कार्यान्वयन, नियमन र आर्थिक अनुशासन
१३ प्रदेश संचित कोषको संचालन तथा व्यवस्थापन र प्रदेश लेखा नियन्त्रण एवम् व्यवस्थापन
१४ प्रदेश पुरक अनुमान तथा पेश्की खर्च, प्रदेशको उधारो खर्च र प्रदेश आकस्मिक कोष सम्वन्धी
१५ प्रदेश सरकारी लगानी र लाभांशको लेखा व्यवस्थापन
१६ प्रदेशको  विनियोजन, राजस्व, धरौटी, कार्यसंचालन कोष र अन्य सरकारी कोष तथा सम्पत्तिको एकीकृत विवरण र आन्तरिक लेखा परीक्षण
१७ घरजग्गा रजिष्ट्रेशन शुल्क, सवारी साधन कर, मनोरञ्जन कर, विज्ञापन कर, पर्यटन शुल्क, कृषि आयमा कर, सेवा शुल्क, दस्तुर र दण्ड जरिवाना संकलन, बाँडफाँड र उपयोग सम्बन्धी नीति तथा कानून तर्जुमा, कार्यान्वयन र नियमन
१८ संघीय कानुन अनुसार प्राकृतिक श्रोतबाट प्राप्त रोयल्टी र शुल्क संकलन, नियमन र हस्तान्तरण
१९ प्रदेशको कर प्रणालीको राजश्व चुहावट नियन्त्रण सम्बन्धी प्रादेशिक नीति, कानून तथा मापदण्ड तर्जुमा, कार्यान्वयन र नियमन
२० संघसंगको अन्तरसरकारी वित्तीय सम्पर्क, सम्बन्ध र सहकार्य
२१ प्रदेशको तथ्याङ्क, सूचना प्रणाली तथा अभिलेख व्यवस्थापन सम्बन्धमा प्रादेशिक नीति, कानून, मापदण्ड एवम् योजना तर्जुमा, कार्यान्वयन र नियमन तथा संघ र स्थानीय तहसँग सहयोग, समन्वय र सहकार्य
२२ बीमा र बीमा व्यवसायको संचालन, व्यवस्थापन, प्रवर्द्धन तथा विस्तार र नियमन
२३ प्रदेशस्तरका सार्वजनिक संस्थान, वित्तीय संस्था, समिति, प्रतिष्ठान तथा कम्पनी आदिको सञ्चालन, व्यवस्थापन, सुधार र नियमन
२४ आर्थिक विकासमा सार्वजनिक, निजी, सहकारी तथा गैरसरकारी क्षेत्रसंगको साझेदारी एवं समन्वय र सहकार्य सम्बन्धी नीति, मापदण्ड र कार्य

सम्पर्क

प्रदेश सरकार

आर्थिक मामिला तथा योजना मन्त्रालय

गण्डकी प्रदेश, पाेखरा नेपाल

फोन: ०६१-४६७९३०

ईमेल: info@moeap.gandaki.gov.np, moeap.gandaki@gmail.com

वेबसाईट : http://moeap.gandaki.gov.np/ne/

माननीय मन्त्री

किरण गुरुङ

आर्थिक मामिला तथा योजना मन्त्रालय

तनहुँ

जन्म मितिः   २०१७ चैत्र २३

पिताः              स्व.तुलाराम गुरुङ

माताः              बालकुमारी गुरुङ

श्रीमतीः           कृष्णकुमारी श्रेष्ठ

जन्म स्थानः   भिमाद नपा ९ (सविक भानुमती गाविस–२) सखेप, तनहूँ

अध्ययनः        आई.एस.सी. (त्रिभुवन विश्वविद्यालय पृथ्वीनारायण क्याम्पस, पोखरा)

संगठनमा पुरा गरेको जिम्मेवारीः वि.सं. २०४९ मा सम्पन्न पाँचौं महाधिवेशनदेखि निरन्तररूपमा केन्द्रीय कमिटीको सदस्य तथा हाल स्थायी कमिटीको सदस्य एवं प्रदेश नम्बर ४ को संयोजक

सरकार / सदनमा सहभागिताः वन तथा भू–संरक्षण मन्त्री (वि.सं.२०६५), प्रतिनिधिसभा सदस्य (तनहूँ क्षेत्र नं. ३ (२०४८) बाट निर्वाचित, संविधानसभा सदस्य तनहूँ क्षेत्र नं. ३ (२०६४) बाट निर्वाचित, प्रदेश सभा तनहूँ क्षेत्र नम्बर २ (ख) बाट २०७४ सालमा सदस्य निर्वाचित ।

 

राजनीतिमा प्रवेशः वि.सं २०३५ सालदेखि राजनीतिमा प्रवेश । वि.सं.२०३६ सालदेखि २०४७ सम्म भूमिगत पेशेवर कार्यकर्ताको रूपमा गण्डकी र धौलागिरी अञ्चलमा कार्यरत । अर्थात तत्कालीन नेकपा (माले ) को भूमिगत कार्यकर्ता ।

भुमिगत नामः कमरेड सुमन

वि.सं २०३६ सालमा तत्कालिन नेकपा (माले) को सबैभन्दा तल्लो युनिट रेडगार्ड स्कवायडमा संगठित । पृथ्वीनारायण क्याम्पसलाई आधार मानी बनाईएको यो भूमिगत संगठन तत्कालिन माले पार्टीको कास्की जिल्लाको पहिलो संगठन थियो । त्यसै दिनदेखि भूमिगत नामको समेत न्वारण भयो क.सुमन । भूमिगत कालभरि यही नामले परिचित । २०३६ सालको अन्त्यतिर पेशेवर कार्यकर्ताको रूपमा जनमत संग्रह बहिष्कार अभियानमा सहभागी । जनमत संग्रहको निर्वाचन पश्चात क. बामदेव गौतमको निर्देशनमा “बुर्जुवा पढाई र डिग्रीको बहिष्कार” गर्दै भूमिगत । २०४६/०४७ को ऐतिहासिक जनआन्दोलनले बहुदलीय व्यवस्था स्थापना नगरूञ्जेल निरन्तर भूमिगत र त्यस अवधिमा कास्की, स्याङजा, बागलुङ, म्याग्दी, मुस्ताङ र पर्वतको पार्टी प्रमुख (सचिव) भई कार्यरत ।

२०३६ सालको अन्त्यतिर उम्मेदवार पार्टी सदस्य र २०३७ सालमा पूर्ण पार्टी सदस्यता प्राप्त । २०३९ सालमा पश्चिमोत्तर क्षेत्रीय कमिटीको सदस्य २०४८ सालको प्रतिनीधिसभा निर्वाचनमा तनहूँ क्षेत्र नंं. ३ बाट निर्वाचित । २०४९ सालमा भएको नेकपा (एमाले) को पाँचौं महाधिवेशनबाट निरन्तर केन्द्रीय कमिटीको सदस्य । अखिल नेपाल किसान संघको केन्द्रीय सदस्य, केन्द्रीय उपाध्यक्ष र महासचिव भई जिम्मेवारी समेत बहन वि.सं.२०५४ को पार्टी विभाजनमा नेकपा (माले) मा विभाजित । २०६४ को पहिलो संविधान सभाको निर्वाचनमा तनहूँ क्षेत्र नं. ३ बाट निर्वाचित । त्यसै अवधिमा माओवादी–एमालेको संयुक्त सरकारमा वन तथा भू–संरक्षण मन्त्री भई करिव ७ महिना काम गर्ने अवसर प्राप्त भएको  नवौं महाधिवेशनमा उपाध्यक्षमा पराजित, केन्द्रीय सदस्यमा निर्वाचित, हाल स्थायी कमिटी सदस्य, जिम्मेवारीः स्थानिय विकास विभाग प्रमुख तथा प्रदेश नम्बर ४ को संयोजक

विदेश भ्रमणः भारत, चिन, अमेरिका, बेलायत, हङकङ, फिलिपिन्स, बेल्जियम, नेदरल्याण्ड, फ्रान्स, इटली, स्पेन, पोर्चुगल, जर्मनी, स्वीजरल्याण्ड, डेनमार्क, लक्जेमवर्ग, स्वीडेन आदि ।

द्वन्द्वात्मक भौतिकवादः दृष्टिकोण । माक्र्सवाद ; सिद्धान्त । सुख, शान्ति, उन्नती–प्रगति, सामाजिक न्याय र समानता सहितको समृद्ध समाजः आदर्श समाज । सादा जीवन, उच्च विचार : आदर्श जीवन । गौतम बुद्ध र कार्ल माक्र्स:  आदर्श व्यक्तित्व ।